<$BlogRSDURL$>

miðvikudagur, júní 30, 2004

Verð bara að gera smá grín að Spíjunni... sorrý elskan;) Hún litla systir mín er af sumum útvöldum betur þekkt undir nafninu Lady Ducaty; eftir mótorhjóli kærasta síns og tilvonandi eiginmanns míns (ég veit, ég veit, þetta er flókið... en það er bara svo erfitt að gera upp á milli okkar systra að það er nánast ómögulegt, þannig að þetta var besta úrræðið). Allavega, mér þykir leiðinlegt að þurfa að tilkynna þér að þú ert ennþá hrein Ducaty-meyja, meðan mér var boðið á rúntinn á græjunni í gærkveldi:D Það þótti mér nú ekki amalegt. Við tilvonandi eiginmaður minn (einn af þónokkrum) byrjuðum á að fara í sund í Laugardalslaugina, og ég verð víst að viðurkenna að þangað hef ég aldrei komið áður. Svo varð veðrið eitthvað svo æðislegt að hann stakk upp á að fara bara á rúntinn. Sem var besta hugmynd sem ég hef heyrt lengi. Auk þess var mér farið að hrylla við þarna í laugunum... OH MY GOD. Þvílíkan fjölda af offitusjúklingum hef ég aldrei á ævinni séð saman kominn á einum stað áður!! Mætti halda að þeir hafi tekið sig saman, það er feitu konurnar með feitu börnin sín!! OJ BARA.. Þeir kvenmenn sem á staðnum voru og ekki voru of feitir voru útlenskar konur með síða hárlubba undir höndunum og í gegnsæjum sundbolum. Þannig að þetta var alveg orðið gott! Ég veit ég er bitur... en kommon!!
Annars neyðist ég víst til að viðurkenna veikleika minn.(Þetta er í eintölu af því að aðrir hafa ekki enn komið í ljós). Hann sýndi sig berlega um seinustu helgi þegar við 4 skvísurnar fórum á Snæfellsnesið í sumarbústað. Átti að vera voða kósí, sem það var á köflum, grilluðum og drukkum hvítvín og spiluðum og svona.... Urðum skyndilega allar svona líka kengölvaðar! Það var ekkert annað eftir í stöðunni en að fara ða sofa. ÖMUS!!
Annaðhvort er ég gengin til baka í þroska, og aftur orðinn unglingaveikt bólufés, eða ég á við áfengisvandamál að stríða. Það er nottlega ekki normal að vera fullur hvað eftir annað komin á þennan aldur! Veit ekki alveg hvor kosturinn mér finnst betri.. þarf að melta þetta svolítið með sjálfri mér. Mér þykir leiðinlegt að segja það, en ég held að seinni kosturinn sé líklegri:(
En, við höfum áhyggjur af því seinna.. sumarið er rétt að byrja, og er samt alveg að verða búið. Þarf að njóta þess í botn og geymi áhyggjurnar til leiðinlegri og dimmari daga.
Flaskaði á því að kaupa stafræna myndavél í London til að geta hent inn myndum, mér og örum til gamans, til dæmis af hinum margrómuðu fjallaferðum "Blautra fóta"... en það kemur að því!! Veit ég að bíða margir spenntir;)



laugardagur, júní 26, 2004

http://www.the-n.com/media/quiz/badges/orlando_bloom/badge_orlando_expert.gif

Gaman gaman hjá mér í vinnunni:) Ég er búin að taka fullt fullt af svona prófum á netinu og búin að komast að ýmsu um mig sem ég vissi ekki áður. Ég er nottla expert í Orlando Bloom málum þó ég hafi giskað á allavega helminginn... ég bara hreinlega "næ honum".
Ég komst líka að því að ég er karlmaður... veit ekki alveg hvernig það virkar... og í my so called life er "tvíburinn" minn Brian Kracow sem er ljótastur og mesti nördinn í þáttunum... Að auki komst ég að því að minn "celebraty match" er gaurinn sem lék bubble boy... JIBBÍ!! Djöfull er ég kúl;) Síðan er bara að kjósa rétt í dag... áfram Óli minn...



fimmtudagur, júní 17, 2004

Ég sit ein, prúðbúin, á upplýsingamiðstöðinni og bíð eftir ferjutrafíkkinni sem óhjákvæmilega er alltaf á fimmtudögum, líka á 17.júní. Helgin er framundan og ég er að deyja af tilhlökkun og spenningi. Ekki nóg með það að 24 breytist í 25 á laugardaginn og ég verð formlega nær því að vera 30 ára en 20 ára þá er ég að fara með systur minni hinni fögru til LondonS á red hot chili peppers. Anthony bíður spenntur eftir að hitta mig og ég er bara nokkuð spennt að hitta hann líka.
Ég gerðist "stokker" um daginn og það var áhugavert að vera loksins gerandinn en ekki þiggjandinn;)Ég og vinkona mín sem krefst nafnleyndar fórum á rúntinn og sáum 2 sæta stráka saman á rúntinum og við hófum eftirför að sjálfsögðu með tilheyrandi píkuskrækjum og látum. Það varð ekkert úr eftirförinni enda bíður Anthony spenntur eftir eftir.
Jæja best að opna pleisið enda klukkan að verða 9..



miðvikudagur, júní 16, 2004

Þá verður lýðveldið okkar sextugt á morgun. Jahá, ótrúlegt hvað tíminn líður hratt. Allir að undirbúa hátíðarhöld, það þarf sko að fagna því í kvöld með því að fara á ærlegt kenderí. Það má reyndar aldrei vera rauður dagur inni í miðri viku án þess að því þurfi að fagna með tilheyrandi ölvun og útstáelsi. Sú var nú tíðin að maður lét sig ekki vanta í gleðskapinn, en undanfarið hafa gleði- og partýstúss hjá mér verið á undanhaldi.
Fagna miklu heldur ein heima hjá mér, með því að fara í spa- bað með öllum tilheyrandi fegrunaraðgerðum og smyrslaáburði eftir á, og jafnvel yfir léttvínsglasi;) Fer svo snemma að sofa og vakna yfirmáta hress og endurnærð.
Er samt fegin að vera ekki sú eina sem er svona þenkjandi, Hrólfur var að hringja til að sníkja hjá mér kaffi, hann er heldur ekki á partýbuxunum í kvöld. Varð því miður að neita honum um kaffið, og mér um spa- baðið, þar sem nýji meðleigjandinn ákvað að halda partý í kvöld! 8 manns eru að streyma inn hvert af öðru, og íbúðin okkar, hélt ég, rétt rúmar 4! Og þá er ég að tala um heildarfjöldann sem kemst hingað inn með góðu móti.
Annars er ég farin að vinna það þrekvirki að vakna kl 6 á hverjum (virkum) morgni og æða í líkamsrækt!! Það finnst mér nú bara helv... gott, sértsaklega þegar betri helmingurinn minn (Soffía) er ekki hér til að reka á eftir mér!!
Annað stórvirki sem ég gerði um daginn var að ég þrammaði á Esjuna á miðvikudaginn seinasta með Hrólfsa eftir vinnu. Það var frábært, Önaðslegt veður og frábært útsýni. Hafði ekki hugmynd um hvað Reykjavík er nú falleg borg;)
Við ætlum að reyna að taka okkur til og klífa fjöll allavega einu sinni í viku, ásamt því að stunda hjólreiðar, línuskauta og sund (hann sund, ég pottinn) svona til að verða okkur út um Buns of steel.
Svo er ég komin í útivistarhópinn Blautir Fætur. Við samanstöndum af 6 manns og ætlum að reyna að ná því takmarki að vera ekki heima eina einustu helgi í allt sumar. Það mistókst strax um seinustu helgi þar sem einn jeppaeigandinn veiktist og það var svo mikið annað um að vera í hópnum, þrítugsafmæli og óvissuferð... þannig að við urðum að hætta við að ná okkur í Húsafellsvírusinn. Eftirá varð ég nú svosem bara sátt, þar sem veðrið var eins leiðinlegt og það framast getur orðið á Suðurlandinu... þannig að ég fór bara í vinnuna eins og góðri stúlku í námi sæmir...
Gleðilega þjóðháíð, læt ykkur svo vita hvernig ég skemmti mér á tónleikunum með Red Hot Chilli Peppers í London um næstu helgi:D



This page is powered by Blogger. Isn't yours?